Dölün bətndaxili inkişaf ləngiməsi (DBİL) yayılmış və mürəkkəb mamalıq problemidir. Qeyd edilmişdir ki, DBİL hamilə qadınların təqribən 10-15%-də, yeni doğulmuşların 5-10%-də rast gələrək, perinatal xəstələnmə və ölümün əsas faktorudur [1, 2]. Çox vaxt DBİL ümumi patogenetik inkişaf mexanizmlərinin olması ilə hamiləliyin kəsilməsi ilə əlaqələndirilir [1]. DBİL neonatal və postneonatal dövrlərdə döl ölümün mühüm risk faktorudur. DBİL olan uşaqların ölümü normal inkişaf edən yeni doğulmuş uşaqların ölümündən 3-10 dəfə yüksəkdir [1]. DBİLnin olması ölü doğum riskini 8 dəfə artırır. Ölü doğulan körpələrin təxminən 20%-də DBİL var [3, 4].

Gec reproduktiv yaşda (GRY) olan hamilə qadınlar (35-49 yaş) mamalıq və ginekoloji patologiya ilə əlaqədar artan risk qrupuna aiddir, onların arasında ginekoloji xəstəlikləri, düşüklər, birincili və ya ikincili sonsuzluq, əksər qadınlarda isə hamiləlik ilkdir [1-4]. Bununla belə, müasir dövrdə 40 yaşdan yuxarı doğuş müasir mamalığın obyektiv reallığına çevrilir [5,6]. 42 yaş konsepsiya üçün kritik yaş kimi müəyyən edilir, baxmayaraq ki, hər iki istiqamətdə sapmalar əhəmiyyətli ola bilər.Rusiyada reproduktiv yaşda olan qadınların sayının 30%-ni 40-50 yaşlı qadınlar təşkil edir, onların bir çoxu öz peşə fəaliyyətlərində fəaldır, ailə-nikah münasibətləri məsələlərini həll edir. 45 və daha yuxarı yaşda ovulyasiya və cinsi əlaqənin tezliyi azalsa da, bəzi qadınlarda cinsi aktivlik arta da bilər [1,7].