LABURPENA: Covid-19ak sortutako pandemiak eragin zuzena eta sakona eduki du osasun eta zaintza sistemetan. Eta eragin honen ondorioz, ongizatea eta zaintza hornitzen duten esparru eta agente ezberdinen arteko elkarlanaren beharra inoiz baino ageriagoan geratu da. Aurkezten dugun ikerketa honetan, Gipuzkoako lau udalerritan (Donostia, Tolosa, Oiartzun eta Errenteria) sortutako zaintza sareak abiapuntu hartuta, gertakari honen inguruko analisia burutu egin da, eta sareen inguruko hausnarketaz gainera, zaintza sistemak hobetzeko lan publiko-komunitarioaren inguruko eztabaidan ere sakontzen da. Horretarako, sakoneko elkarrizketa erdi-gidatuak eta eztabaida taldeak burutu egin dira lau udalerrietako politikari, teknikari eta zaintza sareetako partaideekin.Hitz-gakoak: Zaintza, komunitatea, gobernantza.