Os materiais recollidos neste compendio son parte dos resultados do proxecto de investigación EPIS-PRACT e pretenden servir como recursos para o profesorado de educación secundaria interesado en promover o desenvolvemento do coñecemento sobre a natureza das prácticas científicas na aula. O uso destas tarefas na aula proporciona ao alumnado oportunidades para aplicar os coñecementos curriculares en contextos que requiren un papel activo, a toma de decisións, pensamento crítico e creatividade.