Biomasa-galdara baten karakterizazio esperimentala eta simulazio dinamikoak

Abstract

Energia termikoa lortzeko iturri berriztagarrien artean biomasa daukagu. Lan honetan, pellet galdara baten karakterizazio esperimentala burutu da, bai karga finkoetan, bai modu dinamikoan. Entsegu dinamikoak burutzeko, bulego eta laborategiak dauzkan eraikin bateko karga termikoak erabili dira. Bestalde, instalazioaren modeloa garatu da TRNSYS simulazio programarekin. Galdararen modeloa entsegu esperimentalen emaitzen bidez balioztatu da. Horrela, simulazioen zehaztasuna ziurtatzen da eta modeloa galdarak instalazio batean nola funtzionatuko lukeen aztertzeko erabili daiteke.