Buludəsasli Scada Si̇stemləri̇ndə Təhlükəsi̇zli̇k Məsələləri̇

Abstract

Məqalədə neft-qaz sənayesinin monitorinqi və idarə edilməsində geniş istifadə olunan buludəsaslı SCADA (ing. Supervisory Control and Data Acquisition) sistemlərinin təhlükəsizlik məsələlərinə baxılmışdır. Ənənəvi SCADA sistemləri çox bahalı, qeyri-çevik, miqyaslanması çətin olduğundan məlumatların toplanması, ötürülməsi və emalında çoxsaylı problemlər yaranır. SCADA sisteminin tətbiqlərinin bulud mühitinə köçürülməsi xərclərin azaldılmasına, miqyaslanma imkanlarının yaxşılaşdırılmasına, sistemin səmərəli idarə olunmasına, etibarlılığın yüksəlməsinə və resurslarla bağlı problemlərin həllinə imkanlar yaradır. Məqalədə buludəsaslı SCADA sistemlərinin təhlükəsizliyinə mane ola biləcək mövcud boşluqlar göstərilmişdir. Buludəsaslı SCADA sistemlərində təhlükəsizlik tədbirlərinin görülməsi və risklərin qiymətləndirilməsi aktual məsələlərdəndir. Bu məqsədlə buludəsaslı SCADA sistemlərinin istifadəsində meydana çıxan təhlükəsizlik problemləri və risklər analiz edilmiş və bunların müəyyən qədər həllinə komək edən təkliflər verilmişdir.