CO2-aren balorizazio zuzena hidrokarburoak ekoizteko

Abstract

Erregai fosilen errekuntzek eragindako klima aldaketa pairatzea da egungo gizartearen erronka nagusietariko bat. Errekuntza hauek isuritako berotegi-efektuko gasen artean ugariena karbono dioxidoa (CO2) da, hauen % 75 inguru. Beraz, honen emisioak murriztea eta dagoeneko isuritakoa bahitzea ezinbestekoa da klimaaldaketak eragindako ingurumen-kaltea ahalik eta gehien murrizteko. Horretarako, ezinbestekoak dira CCU teknologiak (karbono dioxidoaren bahiketa eta erabilera). CO2-a erabiltzen duten prozesuen artean, bihurtze katalitikoak etorkizun laburrean ezartzeko aukera onak ditu. Prozesu katalitikoen artean, ohikoena CO2-aren hidrogenazioa da, hidrokarburoak lortuz. Prozesu honen moldakortasuna da bere ezaugarri interesgarrienetakoa, izan ere modu hautakorrean hidrokarburo ezberdinak ekoizten dira; besteak beste, olefinak, parafina astunak zein arinak eta aromatikoak. Operazio baldintzak, katalizatzaile motak eta beren ezaugarriak, zein lorturiko CO2-aren balorizazio mailak ekoiztu nahi den hidrokarburoaren araberakoak dira.