Cynnydd dysgu yn y dyniaethau: canfod tensiynau wrth gyfleu cynnydd yn y dyniaethau yng Nghymru

Abstract

Mae’r papur hwn yn edrych ar y tensiynau sy’n codi wrth gyfleu cynnydd mewn dysgu yn nisgyblaethau’r Dyniaethau. Ar sail ein hadolygiad o ymchwil yn nisgyblaethau’r Dyniaethau, cwricwla rhyngwladol ar gynnydd yn y meysydd hyn a myfyrdodau o weithgarwch proffesiynol ym ‘Maes Dysgu a Phrofiad’ y Dyniaethau, sydd newydd gael ei ddiffinio yn y Cwricwlwm i Gymru newydd, mae’r papur hwn yn disgrifio sut mae cynnydd dysgu yn y Dyniaethau wedi’i gysyniadoli yn y cwricwlwm newydd ac wedyn yn amlinellu ac yn adolygu’n feirniadol bedair her a gododd wrth ganfod a disgrifio’r cynnydd dysgu yng nghwricwlwm newydd y Dyniaethau. Mae’r tensiynau’n cynnwys y berthynas rhwng disgyblaethau; y cydbwysedd rhwng gwybodaeth, sgiliau a gwerthoedd; y gwahaniaethau rhwng modelau cynnydd sylfaenol yn y Dyniaethau; a chydbwyso cymhlethdod y dysgu ag ystyriaethau ymarferol ar gyfer cwricwlwm cenedlaethol. Drwy ddefnyddio’r Model Newid Integredd, mae’r papur hwn yn cyfrannu drwy gynnig mewnwelediadau newydd i agweddau eang ar gynnydd dysgu yn y Dyniaethau a thrwy dynnu sylw at y buddion a heriau dichonol o wneud penderfyniadau penodol mewn perthynas â phob un o’r tensiynau hyn. Trafodir goblygiadau sy’n codi mewn perthynas â chynllunio’r cwricwlwm ac ymchwil yn y dyfodol, yn cynnwys y rôl sylfaenol sydd gan ddysgu proffesiynol wrth ddatblygu a gweithredu’r cwricwlwm.