Eit nynorsk tilskot til den moderne migrasjonslitteraturen – Erlend Skjetnes Eit anna blikk (2021) i ein skjønnlitterær kontekst

Abstract

I 2021 fekk Erlend Skjetne Brageprisen for årets beste barne- og ungdomsbok for romanen Eit anna blikk (2021). Gjennom ei nærlesing freistar eg i denne artikkelen å vise at romanen knyter an til moderne migrasjonslitteratur samstundes som han òg markerer si tilhøyrsle til den nynorske litteraturtradisjonen. I diskusjonen legg eg vekt på både innhald og form. Avslutningsvis antydar eg at Eit anna blikk er det hittil tydelegaste nynorske bidraget til den moderne migrasjonslitteraturen, og at romanen ved å plassere handlinga i ei bygd òg bringar noko nytt til denne tradisjonen.