La literatura de Emilia Pardo Bazán

Abstract

No ano 2008 a cidade da Coruña acolleu a celebración do I Congreso Internacional A literatura de Emilia Pardo Bazán, un magno encontro no que investigadores e estudosos de recoñecido prestixio internacional departiron sobre o significado da literatura dunha das nosas máis insignes autoras. Froito deste congreso nace o volume que lles presentamos, unha completa e exhaustiva publicación que, a través dos ensaios e traballos de destacados críticos e investigadores, fai un balance do estado actual do pardobazanismo. Sen dúbida, unha valiosa achega ao estudo da vida, pensamento e obra da escritora que elevou á excelencia, na súa rica e prolífica carreira literaria, a novela naturalista española.