Lidergoa eta Kapital Emozionalaren kudeaketa enpresetan

Abstract

EHUko irakasleakEnpresetan aktibo ukiezinak bi eratakoak izan daitezke: a) aktibo intelektualak, «Kapital Intelektual» kontzeptuak jasotzen dituenak eta UZTAROko 66. alean aztertu genituenak (González Simón eta Guenaga, 2008), eta b) aktibo emozionalak, «Kapital Emozional» kontzeptuaren baitan biltzen direnak eta artikulu honetan aztertuko ditugunak. Lidergo-faktorea aktibo ukiezin estrategikoa da enpresetan bai «Kapital Intelektuala» bai «Kapital Emozionala» bultzatzeko. Emozioak benetako aktibo produktiboak dira enpresarentzat; gizakiarentzat, ordea, emozioak «giza garapen integralaren» funtsezko osagaiak dira. Artikulu honetan aztergai izango ditugu lidergo eraginkor bat lortzeko Adimen Emozionalaren dimentsioak eta ezaugarriak. Horrez gain, emozionalki adimentsuak diren liderren gaitasun bereizgarriak ere bistaratuko ditugu. Eta, azkenik, Adimen Emozionalean oinarrituta, liderren tipologia bat proposatuko dugu. GAKO-HITZAK: Lidergoa · Aktibo ukiezina · Kapital Emozionala · Adimen emozionala · Liderraren gaitasuna. KEY WORDS: Leadership · Intangible Assets · Emotional Capital · Emotional Intelligence · Competences of leaders. EKONOMIA Jasotze-data: 2011-09-09. Onartze-data: 2011-10-20. UZTARO 80, 51-75 54 Bilbo, 2012ko urtarrila-martxoa 2. Pertsona orok bere gaitasunak eta potentzialtasunak maila goreneraino garatu beharko lituzke, inolako salbuespenik gabe ez orainean eta ez geroan ere. Horregatik, elkartasun-mekanismoak indarrean jarri beharko lirateke giza garapen integrala munduko biztanle guztiengana heda dadin. Eta, gainera, etorkizuneko belaunaldien aukerak eta eskubideak ere ez lirateke arriskuan jarri behar, hau da, prozesu horrek denboran iraunkorra izan beharko luke. 3. Egunero hamaika emozio sortzen zaizkigu barrunbeetan, eta haiek gure harremanak eta bizimodua baldintzatzen dituzte, eta gure nortasuna eraikitzen. Izan ere, barruko emozio horiek kanpora azaleratzen zaizkigu, hots, ageriko ondorioak dakarzkigute: beste pertsonei eragiten dieten gure jokaerak, alegia. 14. Zernahi gisaz, ez dago esaterik sei lider mota horietako zein den onena edo eraginkorrena. Egoeraren arabera, bat edo beste izango da aproposagoa.