Propostas metodolóxicas activas en dous Programas de Posgrao da UDC: Aprendizaxe cooperativa, Flipped Classroom e Entornos Persoais de Aprendizaxe

Abstract

Neste traballo preséntase unha proposta para a implementación na aula de varios métodos de ensinoaprendizaxe activos en programas de posgrao da Universidade da Coruña impartidos por integrantes do Grupo de Innovación Docente en Estudos ingleses e irlandeses. Este grupo traballou e segue a traballar de forma continuada incluindo na súa práctica docente diversas metodoloxías nas que o alumnado sexa o centro da aula e axente activo da súa aprendizaxe. O profesorado adquire así un novo rol como guía e facilitador das experiencias docentes. Exporemos a utilización de estratexias das metodoloxías de aprendizaxe cooperativa e de aula invertida ou flipped classroom para que o alumnado asimile e se familiarice de xeito práctico con estas dúas praxes docentes. Polo tanto, mostraranse as actividades realizadas na materia de Métodoloxía de ensino-aprendizaxe da lingua estranxeira no Mestrado de Secundaria da Universidade da Coruña, e a continuación, presentarase un proxecto deseñado para a materia Modelos de Interpretación Literario-cultural do Mestrado Interuniversitario en Estudos Ingleses Avanzados. Neste caso, trátase de utilizar técnicas relacionadas con entornos persoais de aprendizaxe (PLE) para a selección, organización e creación de contidos dixitais incluidos na materia mencionada. A modo de conclusión, sinalaremos os beneficios obtidos como fundamento da nosa aposta polas metodoloxías activas na docencia universitaria, nas que continuaremos a afondar nos vindeiros cursos.