Proteinen desnaturalizazio termalaren bidezko analisia konposatu bioeraginkor berrien aurkikuntzarako

Abstract

Konposatu bioeraginkorrak bizidunetan jarduera zelularraren edota fisiologikoaren gain eragin dezaketen substantzia kimiko naturalak zein sintetikoak dira. Horien artean daude, adibidez, farmakoak, prozesu biologikoen modulazioaren bitartez osasunaren gain efektu onuragarriak bidera ditzaketenak. Konposatu bioeraginkor berrien eta horien itu biologikoen bilaketarako estrategia berrien garapena inpaktu handiko erronka da. Itu proteinak edota ekintza mekanismoak aurkitzeko metodologia ezberdinak garatu dira, besteak beste, lan honetan jorratzen den konposatu bioeraginkorrek proteinen desnaturalizazio termikoan eragindako aldaketen azterketan oinarritutako metodoa. Lan honetan, konposatu bioeraginkorren bilaketarako metodologia horren oinarriak eta beraren inplementaziorako erizpideak azaltzen dira.