Sosi̇al Medi̇a Resurslarinda Həki̇m-Pasi̇yent Münasi̇bətləri̇ Əsasinda Qərarlarin Qəbulu Üçün İnformati̇v Parametrləri̇n İşləni̇lməsi̇

Abstract

Məqalədə tibbi sosial media resurslarında toplanan informasiya əsasında tibbi qərarların qəbulu üçün konseptual yanaşma təklif olunmuşdur. Tibbi sosial media mühitində toplanan sorğular, istifadəçi rəyləri bu mühiti tibbi xidmətin keyfiyyətinin yaxşılaşdırılması üçün əhəmyyətli informasiya mənbəyinə çevirmişdir. Bu informasiyanın tibbi qərarların qəbulunda istifadəsi imkanını göstərmək üçün sosial medianın həkim-pasiyent münasibətləri seqmenti tədqiq olunmuşdur. Bir sıra milli tibbi resurslarda toplanan e-pasiyent sorğuları statistik analiz olunmuş, onların formal təsviri verilmişdir. E-pasiyentlərin demoqrafik məlumatlarına istinad etməklə maraqlı tərəflərin tibbi sosial media məkanında fəallığının qiymətləndirilməsi üçün göstəricilər təklif olunmuşdur. Təklif edilmiş göstəricilər əsasında qərarların qəbulunun konseptual mexanizmi işlənilmişdir. Alınan nəticələr kompetentli şəxslərə tibbi xidmətin təkmilləşdirilməsinə yönəlmiş qərarların qəbulunda dəstək olmaq üçün nəzərdə tutulmuşdur.

Qərar Nəzəri̇yyə Modelləri̇ni̇n Növləri̇

“…Eyni zamanda, insanların real seçim vəziyyətlərində davranışlarını təsvir edən və izah edən bir neçə özəl model var. Bunlara digərləri arasında məhdud rasionallıq konsepsiyası, perspektiv nəzəriyyəsi, peşmançılıq nəzəriyyəsi və çox kriteriyalı seçim strategiyaları daxildir (Məmmədova, 2020;68-72).…”

Gənclərlə Sosi̇al İşi̇n Əsaslari

“…Gənclərlə sosial iş dövlət, regional, bələdiyyə, kommersiya və ictimai təşkilatlar, ayrı-ayrı vətəndaşlar tərəfindən həyata keçirilən gənc nəslin güzəranının dəstəklənməsinə, eləcə də gənclərin inkişafının yüksəldilməsinə yönəlmiş xüsusi peşə fəaliyyəti növüdür. Bu fəaliyyət növü gənc nəsil arasında neqativ halların və tendensiyaların inkişafının qarşısının alınması, habelə sosial əhəmiyyətli xassələrin formalaşdırılması üçün hüquqi, sosial-tibbi, iqtisadi, psixoloji, pedaqoji, təşkilati, profilaktik, məlumatlandırma və digər tədbirlər kompleksini əhatə edir (Məmmədova, 2019). Gənclərlə sosial işin xarakterik xüsusiyyəti gənclərin böhran vəziyyətini aradan qaldırmaq və gənc nəsli aktivləşdirmək üçün özlərini ictimai fəaliyyətə cəlb etməkdir.…”