Болуштук Жана Болуштук Башкаруу: Xix К. Аягы – Xx К. Башы (Кыргызстандын Түштүк Аймактарынын Материалдарынын Негизинде)

Abstract

XIX кылымдын экинчи жарымынан тарта Орто Азия, анын ичинде Кыргызстандын аймагы Россияга каратылган. Натыйжада жергиликтүү калктын коомдук-саясий, социалдык-экономикалык турмушунда бир топ өзгөрүүлөр болгон. Жергиликтүү калктын мурдатан калыптанган башкаруу системасынын ордуна падышачылык саясатты ишке ашыруу үчүн жаңы башкаруу системасы киргизилген. Россия империясынын Түркстан аймагына киргизген башкаруу системасы “Аскерий-элдик башкаруу” деп аталган. Анын “элдик” деп аталган төмөнкү инстанциясын жергиликтүү башкаруу системасы түзүп, ал да өз кезегинде болуштук жана айылдык башкаруу баскычтарынан турган. Макалада, аталган доордогу болуштук жана болуштук башкаруу органынын уюшулушу, принциптери, өзгөчөлүктөрү изилденет.