Әкімшілік ғимараттардағы және тұрғын үй-жайлардағы радон изотоптарының эманациясын өлшеу Бұл жұмыс Алматы қаласының тектоникалық сынықтар аймағына жақын орналасқан мектепинтернаттарда табиғи радионуклидтердің альфа-белсенділігінің таралуын зерттеуге арналған. Өлшеулер бір мезгілде тұрғын үй және әкімшілік ғимарат болып табылатын мектеп-интернаттарда жүргізілді. Нәтижесінде 2D-радон изотоптарының альфа-сәулелену ағын тығыздығының таралу топологиясы және әрбір мектеп-интернаттың биіктігін (қабат) өлшеп, олардың ЕЫӨ-і мен 2D альфа-сәулелену ағын тығыздығының тектоникалық сыныққа дейінгі қашықтықта таралу топологиясы құрастырылды. Өлшеу нәтижелері бойынша тектоникалық сынықтан радонның шоғырлану коэффициенті табылды. Алынған заңдылықтарды пайдалана отырып, егер олардың тектоникалық сынықтарға дейінгі арақашықтығы белгілі болса, басқа мектептер үшін де көлемді альфа-белсенділікке тәуелділік кестесін құруға болады. Түйін сөздер: радон, радон ыдырауының еншілес өнімдері, альфа-белсенділігі, тектоникалық сынықтар, табиғи радиациялық фон.