No abstract

Ko te oranga o te tangata kei roto i tōna tūhono ki tōna taiao. Mō te hunga Māori o Aotearoa, ko te whakapapa ki a Ranginui rāua ko Papatūānuku te ara whakaū i tō tātou hononga ki ngā atua Māori me ō rātou tini tamariki. Ko ngā atua ngā pou o te ao tūroa e kaha whāngai, e kaha manāki ana i te hunga Māori me tōna ahurea. Koia nei ko te orokohanga mai o te kaitiakitanga. Mā ngā mahi ā-rēhia, ngā tikanga nō tuawhakarere, ka ora ai te hononga o te tangata ki tōna taiao. Heoi nō ngā tau hou, kua ūhia tēnei momo mana kaitiaki ki runga i te hunga tangata, hei tiaki hei manāki i ngā mokopuna o te taiao. I roto hoki i ēnei tau hou kua hipa, kua nui ake te hunga Māori kua hūnuku ki ngā taone o Aotearoa. Ko te nuinga nō iwi kē, e noho ana i raro i te korowai manāki o ngā hunga mana whenua o ērā taone. Ka mutu, kua muia hoki te taone i ngā kino hauropi, ā, kua mōtū te hiranga o te taiao ki te oranga o te tangata noho taone. Nā te nui o ngā pēhitanga ki te taiao o te taone, kua whakaoho ake ngā mahi haumanu hauropi e te hunga putaiao. Heoi, tē whakaū i ngā uara Māori ki ēnei mahi whakahaumanu. Ko te whāinga matua o tēnei tuhinga, he arohaehae i te awenga o te kaitiakitanga ki te taone. Ko tā matou he whakawā i te huanga o te kaitiakitanga ki ngā mahi whakahaumanu hauropi i te taiao o te taone. Mā te tātari i ngā momo tauira o te kaitiakitanga ka kite i ōna aho me te hiranga o ēnei aho ki te whāinga matua o te manaaki i te taiao. Me te aha, ko te mātauranga taketake, te matauranga a te Māori pea te rongoa hei whakarauora i te ao tūroa.

Museum collections are increasingly subjected to scientific scrutiny, including molecular, isotopic and trace-element analyses. Recent advances have extended analyses from natural history specimens to historical artefacts. We highlight three areas of concern that can influence interpretation of data derived from museum collections: sampling issues associated with museum collection use, methods of analysis, and the value of cross-referencing data with historical documents and data sets. We use a case study that focuses on kiwi (Apteryx spp.) feather samples from valuable 19th century M aori cloaks in New Zealand to show how sampling and analysis challenges need to be minimized by careful design. We argue that aligning historical records with scientific data generated from museum collections significantly improves data interpretation.

Auheke: I roto i ngā whakaputanga rerenga koiora, e whakamahia ana ngā ingoa Māori o ngāi kīrehe, e tautoko ana i ngā wawata o te ahurea Māori, e mau ana te reo Māori me ōna mita huhua, e whai wāhi ana te whanaungatanga o te iwi taketake me te pūtaiao, tae noa ki te mātauranga Māori me te koiora, ngā hua, ngā uara hoki. Nā te tipu mai o Ngāi Niu Tireni i te reo Māori, kua tūwhera he tatau hei whakapai ake i ngā whakaputanga rerenga koiora. Heoi anō, ahakoa e kitea ana te tautoko haere o te whakauru whakaaro Māori, o te whakatakotoranga kupu Māori (ngā ingoa o ngāi kīrehe) me ētahi mātauranga Māori, puta ana he raru ko ēhea o ngā ingoa hei whakamahi, ā, te rerekē hoki o te mita o te reo o tēnā rohe o tēnā rohe. Hei konei mātou kōrero ai i te whānui o ngā ingoa Māori o ngā manu me te whakamahi i aua ingoa i ngā whakaputanga rerenga koiora, ngā whakahaere, ngā rangahau, tae noa ki ngā pūrongo pūtaiao. E whakaaro ana, e whakamātau ana hoki mātou i ētahi āhuatanga para huarahi hei whakatairanga mōhiotanga, hei whakamahi anō hoki i ngā ingoa o ia rohe kia mātau ai, kia mārama ai i ngā manu, i te ahurea Māori hoki, i te orokohanga mai o ngā ingoa o aua manu. Ka whakaatu hoki mātou i te huringa o ētahi o ngā ingoa o ngāi kīrehe i roto i te wā poto me te tohu i ētahi ara torohū i hua ake ai ēnei āhuatanga.

No abstract