Аңдатпа. Осы зерттеу жұмысында бұлттық қызметтер, ақпараттық қауіпсіздік және жасанды интеллект саласындағы зерттеулер қарастырылды. Ақпараттық технологияның осы бағыттары авторлармен әзірленген Raspberry Pi типті микрокомпьютерлер негізінде әзірленген зияттық мобильді программалық-аппараттық клиенттері бар корпоративтік компьютер желісін және SOHO класты желіні қорғайтын және бақылайтын бұлттық сервисті әзірлеу кезінде егжей-тегжейлі зерттелген болатын. Осы жұмыста жоғарыда аталған құрылғының ерекшелігі, әзірлеу идеясы және тәсілдері келтіріліп, осы зерттеу барысында пайдалы болған дереккөздеріне талдау жұмыстары жүргізілді. Бұлттық технологияның жеке сұрақтарына байланысты, сонымен қатар қазіргі таңда өзекті болып саналатын киберқауіпсіздік саласындағы жұмыстар берілген. Сондай-ақ, синтаксистік, семантикалық анализаторлар мен лингвистикалық процессорларды құру мүмкіндіктерін зерттейтін дереккөздер қатары берілді. Жалпы айтқанда, осы берілген мақала аясында жоғарыда айтып кеткен кешенді құрылғыны әзірлеу үшін қойылған міндеттерге қол жеткізу мақсатында зерттелген әдебиеттерге шолу жасалды.Негізгі сөздер: Компьютерлік желінің қауіпсіздігі, бұлттық сервис, зияттық жүйе, бірплаталы компьютер, микрокомпьютер, Raspberry Pi, SOHO класты желі, корпоративтік желі.