Мақалада Қазақстандағы жоғары білім берудің сапасын бағалау мәселесі қарастырылады. Қазақстандағы жоғары білім берудің сапасын бағалаудың мемлекеттік аралық бақылаудан (МАБ) оқу жетістіктерін сырттай бағалауға (ОЖСБ) өтуге дейінгі тарихы талданады. Мемлекеттік аралық бақылау (МАБ) және оқу жетістіктерін сырттай бағалаудың (ОЖСБ) міндеттері, кезеңдері және нәтижелері қарастырылады. Оқу үдерісін ұйымдастыру сапасын бағалау және білім беру сапасын мониторингілеуді өткізудегі МАБ және ОЖСБ өзіндік ерекшеліктері салыстырмалы аспектіде талданады. Оқу жетістіктерін бағалау әдістерінің салыстырмалы сипаттамалары көрсетіледі. Мониторингтік жүйедегі мәліметтердің сапалық айырмашылықтары: қазақстандық қоғам үшін ақпарат ретінде білім берудің ортасындағы үдерісті бағалау және срез, жоо бәсекелестігін ынталандыру, білім беру ұйымдарында көрсетілетін қызметтер сапасын арттыруға ынталандыру; жалпыға міндетті пәндерді бағалауды базалық және бейіндік пәндермен алмастыруға айрықша назар аударылады. Сол сияқты авторлар ОЖСБ жүйесіндегі ағымдағы өзгерістерді 2019 жылдан басталған жалпы білім беретін пәндерді бағалауға көшумен негіздейді. Түйін сөздер: білім беру сапасының мониторингі, мемлекеттік аралық бақылау, оқу жетістіктерін сырттай бағалау, кластеризация.

No abstract