Бул жумушта изилдѳѳнүн предмети болуп сингулярдуу козголгон бир тектүү эмес алсыз сызыктуу дифференциалдык теӊдемелер эсептелинет. Изилдѳѳнүн максаты сингулярдуу козголгон бир тектүү эмес алсыз сызыктуу дифференциалдык теӊдеме чечимин асимптотикасын тургузуу болуп эсептелинет. Чечимдин асимптотикасын тургузууда классикалык асимптотикалык усул – козголуулар усулунан пайдаланылды. Анын жардамында сызыктуу жана сызыктуу эмес дифференциалдык теӊдемелердин, жекече туундулуу дифференциалдык теӊдемелердин чечимин тургузуу салыштырмалуу оӊой. Макалада  теӊдемеси каралып,  мааниси  болгон учурда дифференциалдык теӊдеме алсыз сызыктуу кадимки дифферециалдык теңдеме болот. Теӊдемеде кичине параметрден аналитикалык түрүндѳ кѳз каранды болгону үчүн, анын чечими да кичине параметр боюнча аналитикалык функция болот. Башкача айтканда калдык мүчѳсү бар Тейлордун катарына ажырайт. Козголуу методунун классикалык теориясына Анри Пуанкаре чоӊ салым кошуп, алгычкы аныктаманы берген. Сингулярдуу козголгон теӊдеменин чечимин асимптотикасын тургузуу колдонмо изилдѳѳлѳрдѳ чоӊ мааниге ээ болуп, алар физика, техника, суюктуктар жана газдар механикасы кѳп изилденет.