Biological Features and Agrotechnics of Winter Wheat Cultivation

Abstract

Мақалада Қазақстанның оңтүстік-шығыс аймағының тәлімі жерлерінде өндірілетін негізгі азықтық дақыл – күздік бидайдан тұрақты және жоғарғы өнім алу өзекті мәселелердің бірі болып отыр. Бұл мәселелерді шешу үшін заманалық технологияларға ғылыми негізделген ауыспалы егістіктер енгізіп, өсімдік қорғауда тиімді агротехникалық, химиялық шаралар қолданып, жоғары сапалы сорттар мен будандарды пайдаланып қана айтарлықтай нәтижеге жетуге болады. Мақалада бидай дақылының құндылығы мен сапасы туралы, ондағы адам организмі үшін қажетті заттардың мөлшері, өсіру кезеңіндегі ескерілуі қажет агротехникалық шарттар жан-жақты айтылған. Жер шары халқының жартысынан көбі негізінен бидаймен – нан макарон, кондитер өнімдері т.б. қоректенеді. Аталған өнімдердің қоректілігі жоғары болып халық мұқтажын қанағаттандыру үшін оларда бағалы сапа көрсеткіштері мен қасиеттер болған абзал. Бидай – бүкіл әлемде 148 елдің негізгі азық-түлігі болып табылады және көптеген елдердің экономикасында ерекше орын алады. Осыған байланысты аталмыш мақалада күздік бидай өсіру технологиясына қатысты биологиялық шарттардың орындалуы тиіс талаптары ғылыми-зерттеу жұмыстары үшін маңызды көрсеткіштер ертінде қарастырылған. Сонымен қатар, күздік бидай өсіру кезеңділігіндегі климаттық ерекшеліктері де қамтылған.