Müasir estetik ginekoloji patologiyaların klinik həlli üsulu - piksel CO2 lazer texnologiyasının tətbiqi və aktuallığı

Abstract

Reproduktiv və postmenopauza dövrünü yaşayan qadınlar arasında qeyd olunan müxtəlif ginekoloji patologiyaların etiopatogenezində müs-təsna rollardan biri də yaş faktoru hesab edilir. Qadın həyatının hər bir dövründə yaş artımı digər somatik və ekstragenital patologiyaların formalaşmasına təkan verməklə yanaşı, ginekoloji sferaya da təsirsiz ötüşmür, bir sözlə əhəmiyyətli risk faktoru hesab edilir. 25-30 yaşlardan başlayaraq, həyatlarının sonrakı zaman intervallarında əksər reproduktiv yaşlı qadınların toxumalarında bir sıra struktur dəyişikliklər izlənilir; bu sıraya toxuma elastikliyinin və tonusun zəifləməsi, kollagen və elastinlərin azal-ması, hidratasiyanın itməsi, selikli qişaların funksio-nal fəallığında ləngimələr (nazilmə, turqorluğun zəifləməsi və s..) şamil edilir. Artıq çəki və piylən-mədən əziyyət çəkən, oturaq həyat tərzi olan qız-larda və qadınlarda, o cümlədən patoloji hamiləlik və ağır fizioloji doğuş keçirən qadınlarda yuxarıda sadalanan əlamətlər fonunda immun sistemin ümumi və yerli zəifləməsi, müxtəlif xroniki vaginal infeksiyalaşmalar müşahidə olunur.