Დისტანციური Მუშაობის Პირობებში Სასურველი Სამუშაო Რეჟიმისა Და Კარიერული Წინსვლის Შესაძლებლობების Ანალიზი Დემოგრაფიულ Ჭრილში

Abstract

ეკა მაღლაფერიძე
 დოქტორანტი
 ივანე ჯავახიშვილის სახელობის თბილისის სახელმწიფო უნივერსიტეტი, საქართველო
 E-mail: emaghlaperidze@gmail.com
 http://orcid.org/0000-0002-2126-4369
 მოკლე აღწერა
 თანამედროვე მსოფლიოში დისტანციური მუშაობა საკმაოდ გავრცელებული პრაქტიკაა, თუმცა, განსაკუთრებით აქტუალური კოვიდ-19-ის პანდემიის პერიოდში გახდა, როდესაც კომპანიების აბსოლუტური უმრავლესობა იძულებული გახდა თანამშრომლები დისტანციური მუშაობის რეჟიმზე გადაეყვანა. აქედან გამომდინარე, საინტერესოდ მიგვაჩნია თანამშრომელთა განწყობისა და დამოკიდებულებების შესწავლა დისტანციურ მუშაობასთან დაკავშირებით.
 კვლევაში მონაწილეობის მისაღებად შერჩეული იქნა საქართველოში ლიცენზირებულ სადაზღვევო კომპანიებში დასაქმებული პირები. კვლევის მიზანს წარმოადგენდა დისტანციური მუშაობისას სასურველი სამუშაო რეჟიმის (სახლიდან მუშაობა, ოფისიდან მუშაობა, შერეული სისტემით მუშაობა) გამოვლენა დემოგრაფიულ ფაქტორთა (სქესი, ასაკი, განათლება, ოჯახური მდგომარეობა) გავლენისას. ასევე, კვლევის მიზანს წარმოადგენდა იმის შესწავლა თუ როგორ აღიქვამენ საკუთარ კარიერული წინსვლის შესაძლებლობებს დისტანციურად მომუშავე ადამიანები და რა გავლენა აქვს კომპანიაში მუშაობის სტაჟსა და სამუშაო პოზიციას დისტანიცურ მუშაობასთან დაკავშირებულ საკითხებზე. შემუშავებული რეკომენდაციები მრავალ კომპანიას დაეხმარება დისტანციური მუშაობის რეჟიმის წარმატებით დანერგვასა და მაქსიმალური ეფექტიანობის მიღწევაში.