Კონფლიქტ Მენეჯმენტის Გამოწვევები Კოვიდ Პანდემიის Პირობებში

Abstract

ეკა ავსაჯანიშვილი
 ივანე ჯავახიშვილის სახელობის თბილისის სახელმწიფო უნივერსიტეტი, დოქტორანტი, თბილისი, საქართველო
 Email: avsajanishvilieka96@gmail.com
 https://orcid.org/0000-0002-7110-825X
 
 მოკლე აღწერა
 აბსტრაქტი. ცვალებადი გარემო ორგანიზაციების საქმიანობას არ­თუ­ლებს. მთავარი, ამ შემთხვევაში, ადამიანური რესურსების სწო­რად მართვაა, რაც ზრდის ადამიანური რესურსების მენეჯმენტთან დაკავშირებული მეცნიერებების მნიშვნელობას, მათ შორისაა კონფ­ლიქტ მენეჯმენტი. გარემო განსაკუთრებით არასტაბილური გახდა კოვიდ პანდემიის დროს, რომელიც 2019 წელს დაიწყო და სრუ­ლიად შეცვალა არსებული რეალობა. რამაც, რა თქმა უნდა, გავლენა მოახდინა, როგორც ორგანიზაციების საქმიანობაზე, ასევე ადამია­ნე­ბის ცხოვრებაზე.
 დისტანციურმა მუშაობამ, თავისუფალი და სამუშაო საათების გა­მიჯვნის გართულებამ, იზოლაციამ ახალი გამოწვევების წინაშე დააყენა კონფლიქტ მენეჯმენტი. ამასთან, ეკონომიკურმა კრიზისმა და გარკვეულ ბიზნეს სექტორებში მოღვაწე ორგანიზაციების მდგო­მარეობამ გაზარდა უმუშევრობის დონე. მაგალითად, ბლუმბერგის მიხედვით, 340-მდე კომპანიამ 2020 წელს აშშ-ში გამოაცხადა გა­კოტ­რება, რის მიზეზადაც პანდემია დაასახელეს.
 ნაშრომში განხილულია კონფლიქტ მენეჯმენტის არსი, მასთან და­კავ­შირებული შეხედულებები და სწორად მართული კონფლიქტე­ბის მნიშვნელობა ორგანიზაციაში. ასევე, წარმოჩენილია კონფლიქ­ტის გამომწვევი ფაქტორები. რაც, რა თქმა უნდა, საკვანძოა კოვიდ პანდემიის გავლენის შესასწავლად. ამასთან, გამოკვეთილია გამოწ­ვე­ვები, რომლის წინაშეც თანამედროვე ორგანიზაციები დგანან. გან­საკუთრებული ყურადღება გამახვილებულია სტრესზე, რომე­ლიც კონფლიქტის გამომწვევი ერთ-ერთი ფაქტორია და რომელზეც პანდემიამ დიდი გავლენა იქონია. ზემოთ ხსენებულ საკითხების ნათელსაყოფად განხილულია სხვადასხვა კვლევა.
 დისტანციურად დასაქმებულთა საკითხი, პანდემიამდეც აქტუა­ლუ­რი იყო, თუმცა ამ მხრივ გარემო მეტად კომპლექსური გახდა. ნაშრომში ასევე მოიცავს სირთულეებს, რომლის წინაშეც კონფლიქტ მენეჯმენტი აღმოჩნა ამ შემთხვევაში, მათ შორის სამსახური-ოჯახი კონფლიქტის შემთხვევაში. დასაქმებულთა უმრავლესობის დის­ტან­ციურ რეჟიმზე გადასვლამ, თვეების განმავლობაში დაკეტილმა ტრანსპორტმა, საგანმანათლებლო დაწესებულებებმა, კვების ობიექ­ტებმა და აშ. საკითხს მეტი მნიშვნელობა შესძინა.
 კვლევებზე დაყრდნობით გამოკვეთილია კონფლიქტ მენეჯმენტის გამოწვევები, ორგანიზაციული კონფლიქტების დინამიკა, მათი ში­ნაარსი, მეთოდები, ფაქტორები, რომლებიც განსაკუთრებულ ყუ­რად­ღებას იმსახურებს. რა თქმა უნდა, მენეჯერების როლი, მათი ქმე­დებები და გადაწყვეტილებები კონფლიქტის გადაჭრის საკითხ­ში. ამასთან, წარმოჩენილია ის დადებითი მხარეები, რომელიც კონფლიქტ მენეჯმენტს შეიძლება მოუტანოს შეცვლილმა გარემომ.